الذهب واحد من الحاجات اللي بتشغل بال ناس كتيرة جدا من المواطنين في الشارع المصري.. ياتري الاسعار رايحة علي فين الفترة اللي جاية.. وامتي اسعار الذهب هترجع تنخفض تاني.
العالم في الوقت الحالي بتشهد موجه من التوترات والتغيرات الجيوسياسية والاقتصادية غير مسبوقة، والاحداث دي كلها اثرت بشكل سلبي علي البورصة العالمية وفي عدد كبير من السلع ارسعارها ارتفعت بارقام كبيرة بسب التوترات والتغيرات الجيوسياسية الاخيرة .
اللي متابع لاسعار الذهب هيلاحظ ان الاسعار خلال 2025 تعاضعف مرات المرات، ومكاسب الذهب من عيار 21 واللي هو الاكثر مبيعا وانتشارا في مصر تعدت اكثر من 1000 جنية للجرام خصوصا أن اسعار الذهب قبل بداية العام الجاري كانت تحت سقف 4 الاف جنية للجرام، ولكن مع استمرار التغيرات الجيوسياسية، والرسوم الجمركية الاخيرة اللي فرضها البيت الأبيض برئاسة دونالد ترامب، قبل ما يتراجع عنها فرضت تحديات عالمية، والتحديات دي انعكست علي الاسعار بشكل كامل، الذهب واحد من اكثر الحاجات اللي تاثرت بالتغيرات دي كلها .
طيب اية علاقة اسعار الذهب عندنا في مصر بالاسعار والتغيرات العالمية؟.
اسعار الذهب المحلي في مصر بتتاثر بشكل مباشر بالسعر العالمي، واللي في وقت ما يرتفع الاسعار بتترتفع عندنا في مصر وفي وقت ما ينخفض الاسعار بتنزل عندنا في مصر، والسعر العالمي للمعدن الاصفر في الوقت الحالي مرتفع علي مستوي العالم كله، وبالتالي الاسعار عندنا في مصر مرتفعة، ولسه مرشحة للزيادة تاني في الايام اللي جاية في حالة استمرار حده التوترات والتغيرات الجيوسياسية العالمية.
التاثير الكبير اللي موجودة عليه السعر المحلي للذهب في مصر له اكثر من سبب أولهم الارتفاع الكبير لسعر الأونصة عالميا اللي حاليا بتسجيل سعرها اكثر من 2930 دولار، ده غير تراجع سعر صرف الدولار مقابل الجنيه، وده زود من تكلفة الذهب محليا، وزيادة الطلب على الذهب كملاذ آمن في ظل التوترات الاقتصادية والجيوسياسية، خصوصا بعد قرارات البنك المركزي بخفض اسعار الفايدة علي مدار اجتماعيين متتاليين .
طيب اسعار الذهب رايحة علي فين الفترة اللي جاية ؟.
شعبة الذهب توقعت استمرار ارتفاع اسعار الذهب في مصر خلال الفترة اللي جاية، وأكدوا أن الارتفاعات هتترواح ما بين 5% و10% خلال 2025 ومفيش أمل ان الأسعار ترجع تنخفض تاني علي الأقل في الوقت القريب اللي جاي وده بسبب عدم استقرار الاقتصاد العالمي، وخفض أسعار الفائدة من قبل البنوك المركزية، وارتفاع الطلب على الذهب كملاذ آمن، وأكدوا أن في حالة عودة حالة التوترات الجيوسياسية والهدوء للساحة العالمية فالاسعار مرشحة للانخفاض بشرط توافر الهدوء السياسي والاقتصادي العالمي.
الشعبة وجهت نصائحها للمواطنين، وقالتهم لو ناويين يستثمروا في الذهب أو يشتروه للمناسبات لازم يكونوا متابعين لحالة السوق بشكل دوري خصوصا أن الأسعار بتتغير بسرعة، وممكن يلاقوا فرصة كويسة للشراء في الوقت المناسب وقت انخفاض الاسعار .
التعليقات