يا ترى ليه الحكومة دشنت منطقة جرجوب الاقتصادية الخاصة، إيه حكابتها، وليه دايما بيتقال إنها نقطة مضيئة للتعاون بين إفريقيا وأوروبا؟
الحكاية بصراحة بدأت من موافقة مجلس الوزراء على قرار إنشاء منطقة جرجوب الاقتصادية الخاصة، على مساحة ضخمة حوالي 400 ألف فدان على البحر المتوسط، يعني قريب من مرسى مطروح، والموضوع ماوقفش على كده، لأ ده كان بداية لنقلة كبيرة هتغيّر شكل غرب مصر كله، وتخليه نقطة ربط أساسية بين إفريقيا وأوروبا، حتى وسط التوترات والحروب المشتعلة في العالم.
والمنطقة دي هتبقى شاملة موانئ وكمان مصانع ومزارع ومناطق سكنية وترفيهية، يعني مشروع متكامل بمعنى الكلمة، من أول مصنع لإعادة تجميع السيارات المستعملة وتصديرها لأفريقيا، لحد محطة الحاويات اللي هتخدم خطوط الملاحة من آسيا وأوروبا لأمريكا، وكمان هيبقى فيه خط أنابيب بترول من ليبيا لجرجوب وبعدين لأوروبا.
كل ده طبها، غير إن في مناطق لوجستية ومشروعات سياحية هتتوفر من خلالها فرص عمل بالآلاف لأهالي المنطقة الغربية، ودع كله هيربط سواحلنا بسواحل أوروبا وأفريقيا، ويخلينا مركز تجارة عالمي بحق.
أما بقى من الناحية الاقتصادية، فالمنطقة دي هتسهل عملية الشحن والنقل وترفع من تنافسية المنتج المصري، وكمان هتجذب استثمارات أجنبية ضخمة، ودي ميزة كبيرة وسط أزمات الاقتصاد العالمية، ختصةا إنها هتوفر فرص حقيقية لشركاتنا وتخلق مناخ استثماري أقوى، وده طبعا هيرجع على المواطن البسيط بالخير.
بردو، مشروع جرجوب مش بس نقطة مضيئة على الخريطة، ده بداية لعصر جديد من التنمية والتعاون بين قارتين، وأكيد هيدفع عجلة الاقتصاد المصري لخطوة كبيرة لقدام.
ولو ماتعرفش، فالمشروع ده مش بس هيربط الموانئ المصرية بالدول الأوروبية والأفريقية، لأ ده كمان هيفتح الباب قدام شركات الملاحة والتصدير من شرق آسيا وأمريكا إنها تمر من هنا وتستفيد من موقعنا الاستراتيجي، وده معناه إن مصر هتبقى دايما محطة أساسية لأي تجارة بحرية، وده مش بس هيعود بالنفع على الاقتصاد القومي، لأ ده هيوفر فرص عمل ضخمة.
وكمان، ما ننساش إن من أهداف المشروع دي إنه يخلق مجتمعات عمرانية جديدة حوالين الميناء والمنطقة الاقتصادية، يعني الموضوع مش بس شوية مصانع على البحر وخلاص، لأ دي مدينة كاملة هتتبني على مراحل، وكمان فيها مدارس ومستشفيات وأماكن سكن مريحة ومناطق سياحية وترفيهية على مستوى عالمي، واللي بيخططوا للمشروع بيفكروا من دلوقتي إزاي يخلوا جرجوب مدينة جاذبة للمصريين من باقي المحافظات وكمان للأجانب، يعني هتبقى مزيج من النشاط التجاري والحياة العائلية والبيئة المستقرة اللي أي حد يدور عليها.
أما على المستوى الدولي بقى، فالمنطقة دي هتكون أول اختبار حقيقي لقدرة مصر على المنافسة كمركز لوجستي من الطراز الأول، ودي فرصة عظيمة إننا نثبت نفسنا على الخريطة الدولية، وناخد جزء كبير من التجارة اللي دايما بتدور على أسرع وآامن الطرق، ولو قدرنا نحقق المعادلة الصعبة ذي، فممكن نشوف نماذج مشابهة تتكرر على سواحلنا وتبقى نقطة انطلاق دايمة لمشروعات ضخمة تانية.
وفي النهاية، نقدر نقول إن جرجوب مش بس مشروع اقتصادي ضخم، ده مشروع هيغير وجه المنطقة بأكملها وهيحط مصر في قلب المعادلة التجارية الدولية.
التعليقات