تحويلات المصريين بالخارج كل يوم بتسجل رقم تاريخي جديد.. ياتري اية السر في الارقام الكبيرة اللي بتسجلها تحويلات المصريين العاملين بالخارج… وازاي مصر بتستخدم الفلوس دي.
البنك المركزي المصري من فترة للتانية بيعلن عن مفاجأة جديدة بطلها المصريين العاملين بالخارج واللي تحويلاتهم كسرت كل الأرقام القياسية وسجلت ارقام عمر ما حد كان يتوقعها ولا حتي الأحلام، ومع مرور الوقت كان هيا البطل الرئيسي لأزمة مصر في وقت شهدتها في الفترة اللي عانت فيها الدولة من نقص شديد في العملات الأجنبية بالبنوك.
من كام ساعة البنك المركزي أعلن أن تحويلات المصريين العاملين بالخارج حققت خلال 10 شهور في الفترة من يوليو 2024 ولحد شهر إبريل 2025 قفزة تاريخية غير مسبوقة، وارتفعت بمعدل 77.1% علشان تسجل 29.4 مليار دولار مقابل نحو 16.6 مليار دولار خلال نفس الفترة من السنة اللي فاتت.
الزيادة الكبيرة اللي بتحققها تحويلات المصريين العاملين بالخارج لها اكثر من بسبب أولها زيادة عدد العاملين في الخارج خصوصا مع الفرص الكتيرة اللي طرحتها الدولة المصرية والعلاقات السياسية المتميزة اللي موجودة بين مصر وكل دول العالم واللي فتحت أبواب كتيرة للمصريين للدخول للدول الخارجية والعمل فيها، وده طبعا كان لها نتائج إيجابية علي زيادة تحويلات المصريين العاملين بالخارج.
تاني سبب لزيادة تحويلات المصريين العاملين بالخارج كان القرار التاريخي للبنك المركزي بتحرير سعر الصرف في مصر بشكل مرن، والقرار ده كان له عامل السحر في تحويل كل للتعاملات النالية المصريين من القنوات الغير رسمية والسوق السودا في التجارة بالعملة الي القنوات الرسمية في البنوك الوطنية، خصوصا أن السنين اللي فاتت كانت السوق السودا في التجارة بالعملات بتدي العملاء سعر صرف اعلي من السعر الرسمي في البنك المركزي والبنوك الوطنية .
الضربة الكبيرة للبنك المركزي خلت الارقم الكبيرة اللي كانت موجودة في السوق المصري ومع الأسر المصرية كلها تدخل الاقتصاد الرسمي للدولة المصرية خصوصا أن في عدد كبير من اخواتنا المصريين تعرضوا لقضايا نصب بسبب تعاملاتهم مع السوق السودا وللاسف معرفوش يأخذوا حق ولا باطل بسبب أنهم بيتعاملوا مع جهات غير وأشخاص غير معروفين ولا جهات رسمية للدولة .
السنين اللي فاتت السوق السودا في التجارة بالعملات والقائمين عليها كانوا بيقوموا بدور هدفه الأساسي هو عدم الاقتصاد المصري خصوصا أن كان فيه ناس كتيرة بتسافر مخصص للدول الخارجية لجمع إيرادات المصريين العاملين بالخارج وعدم منح الفرصة للمصريين لتحويلها لمصر واو دخولها للاقتصاد الرسمي للدولة، وطبعا هدف الجماعات دي معروف للكل هو استمرار نقص العملات الأجنبية بالسوق المصري، واستمرار الأزمة الاقتصادية في مصر.
التعليقات