توفير السكن الملائم واحد من اهم اهداف القيادة السياسية والحكومة في الفترة الرئاسية الجديدة.. ياتري ازاي الحكومة هتوفر سكن ملائم لكل المصريين .. واية هيا شروطه. وسعره هيوصل لكام.
رعاية الفئات الفئات محدودة الدخل والمتوسطة واحد من اهم الأهداف اللي الحكومة بتقدمها للمواطنين في الوقت الحالي، والحكومة أثبت أكثر من مرة بالأفعال مش بالكلام أنها في صف المواطن البسيط، وانها هدفها أنها تخلي حياة الناس خصوصا الفئات المحدودة الدخل أفضل واحسن وده واحد من اهداف الجمهورية الجديدة.
الاهداف اللي الحكومة شغالة عليها لتوفير حياة كريمة للفئات محدودة ومتوسطة الدخل أول حاجة فيها هيا توفير مسكن ملائم للمواطنين، ومن المنطلق ده الحكومة أعلنت عن تدشين مبادرة سكن لكل المصريين والمبادرة دي هدفها هو توفير سكن ملائم للفئات محدودة الدخل، واللي الحكومة بتستعد لتجهيز مفاجاة كبيرة ليهم.
طيب اية هيا المفاجاة اللي الحكومة بتجهزها للفئات محدودة الدخل؟.
اعتبارا من شهر يوليو اللي جاية واللي هيكون بعد كام يوم، الحكومة هتعلن عن طرح جديد لشقق الاسكان الاجتماعي سكن لكل المصريين 7 والطرح الجديد ده هيكون مخصص للناس اللي قدمت في الطرح اللي فات لسكن كل المصريين 5 خصوصا أن الناس اللي كانت خارج الاولوية واللي الناس اللي شروط الإعلان منطبقتش عليهم بشرط أنهم يوفقوا أوضاعهم.
الطرح الجديد لشقق الاسكان الاجتماعي الحكومة ممثلة في وزارة الإسكان والمرافق العمرانية هتبدأ تفتح فيه باب الججز يوم 8 يوليو وهيستمر لمدة شهر تنتهي يوم 7 أغسطس، وده بهدف اتااحة الفرصة لكل الناس اللي مجاش اسمها في الطرح الجديد لشقق الإسكان الاجتماعي سكن لكل المصريين 5.
طبعا زي كل طرح بيحصل بيكون له شروط، والحكومة حددت الشروط الواجب توافرها في الناس اللي عايزة تقدم، وحددت جدية الحجز بـ50 الف جنية، بالاضافة الي تقديم شوية أوراق زي بطاقة الرقم القومي ومفردات مرتب وعقد ايجار ووصل مرافق، وشهادات ميلاد وقيد عائلي وقسيمة زواج كمبيوتر للأسر، كمان ايصال سحب مقدم جدية الحجز لسكن لكل المصريين 5 وايصال شراء كراسة الشروط وايصال دفع مبالغ جدية الحجز، وتدمجهم في ملف بدي اي اف يكون مساحته لا تتعدي 2 ميجا وترفعهم علي موقع صندوق الإسكان الاجتماعي وتنظر نتيجة الفرز.
التعليقات