يا ترى إيه اللي بيحصل في حقول عجيبة اللي في الصحرا الشرقية، هل تم اكتشاف آبار بترولية جديد هتعزز إنتاجنا من مصادر الطاقة، ولا الموضوع واقف على شوية تنقيبات، وإيه المفاجأة اللي بتجهزها وزارة البترول للناس؟
في الحقيقة، في مفاجأة جديدة بتحصل في قطاع الطاقة بمصر، وهي إن شركة “عجيبة” للبترول، ودي شراكة بين الهيئة المصرية العامة للبترول وشركة إيني الإيطالية، أعلنت عن كشف بترولي جديد اسمه “أركاديا ويست” في الصحراء الغربية، وأعلنت كمان إن تم ربطه فورا بالإنتاج.
ونقدر نقول، إن الكشف الجديد ده مش بس مجرد بير طلع بترول، لأ ده اكتشاف مهم جدا جاي في إطار استراتيجية وزارة البترول لزيادة الإنتاج المحلي من البترول والغاز، وتقليل الفاتورة اللي بندفعها علشان نستورد احتياجاتنا من الطاقة.
والأه، م إن ده ثاني كشف مهم خلال شهور قليلة بعد حقل “إيريس” اللي بيضخ حاليا حوالي 7500 برميل يوميا.
كمان، البير الجديد بيدي إنتاج أولي 2500 برميل مكافئ يوميا، وده رقم مش بسيط، خاصة لما نعرف إنه اتربط بالإنتاج في وقت قياسي، وده بفضل شغل “عجيبة” السريع واعتمادهم على أحدث التقنيات في التنقيب عن البترول.
عندك كمان، الاكتشاف ده بيفتح باب جديد في منطقة كان العلماء فاكرين إنها مش بتطلع بترول، لكن طلع العكس، طلع فيه خزان هيدروكربوني كبير زي ما بتقول وزارة البترول، وده معناه إن عندنا فرص تانية كتير لاكتشافات مشابهة حوالين نفس المنطقة.
وده مش مجرد خبر كويس لشركة عجيبة أو لوزارة البترول بس، ده خبر اقتصادي كبير جدا للمصريين، لان كل برميل جديد بننتجه من عندنا، معناه إننا بنقلل الضغط على الجنيه، وبنوفر دولارات كانت هتروح على استيراد البترول، وبنرفع إنتاجنا المحلي، وبنصدر أكتر.
وده معناه، دعم للاقتصاد وتقليل عجز الميزان التجاري، ووفر في فاتورة الطاقة، وكمان جذب استثمارات أجنبية أكتر للقطاع ده
والخلاصة، هي ان الكشف اليترولي الجديد ده مش بس خطوة ناجحة، ده إشارة مهمة بتأكد إن مصر لسه فيها طاقة متجددة مش مكتشفة، وإن عندنا فرص عظيمة في الصحراء الغربية، والرسالة واضحة، وهي إن الاكتشافات مستمرة، والاقتصاد بيستفيد والطاقة واحدة من مفاتيح النمو في الفترة الجاية.
التعليقات