مش بس لإنتاج الكهرباء.. مشروع مصر روسي هيغير موازين القوى في الشرق الأوسط شوف اية الحكاية

فاضل علي الحلو تكه ومصر هتنقل نقلة كبيرة بالتعاون مع روسيا، والنقلة دي هتوفر لمصر مبالغ دولارية كبيرة جدا الحكومة بتصرفها علي تأمن احتياجات محطات توليد الكهرباء.. ياتري اية اللي بتعمله مصر من روسيا .. ازاي الاقتصاد المصري هيستفاد من المشروعات اللي من النوع ده.

حلم الطاقة النووية واحدة من الاحلام المشروعة اللي مصر من سنين طويلة بتحاول تحققه علي ارض مصر ولأكثر من سبب اتأجل مرات ومرات، ولحد ما جه الريس السيسي واحي الحلم ده ووقعنا مع روسيا اتفاقيات لتدشين الحلم النووي لتوليد الكهرباء من محطات الطاقة النووية، وخلاص البناء شغال زي ما ما هو مخطط له، وكمان الحكومة انتهت من تركيب عدد كبير من قلوب المفاعلات وخلاص المحطة علي وشك الانتهاء والتشغيل.

الخطة اللي الحكومة اتفقت عليها مع روسيا بتنص علي بدء تشغيل اول مفاعل نووي بمشروع الضبعة النووية لتوليد الكهرباء مع بداية 2028 وهيكون بقدرة 1200 ميجاوات، وهيوصل إجمالي الطاقة الكهربائية اللي هيحصل عليها مصر من تشغيل ال 4 مفاعلات ل 4800 ميجاوات، ودي نسبة من الطاقة النظيفة هتدخل علي الشبكة الموحدة للكهرباء علشان تستخدم في إنارة البيوت والشوارع وتشغل المصانع والشركات.

طيب أية مستهدفات مصر من بناء توليد الكهرباء من محطات الطاقة النووية ؟.

الطلب على الكهرباء في مصر خلال السنين اللي فاتت ارتفع وبشكل كبير جدا. ده لأكثر من سبب أولهم النمو السكاني الكبير ده غير التوسعان الصناعية والعمرانية ده غير خطة الدولة لتقليل انبعاثات الكربون وخفض استنزاف الدولار في إستيراد الغاز الطبيعي والمازوت من الخارج لتشغيل محطات توليد الكهرباء، وده خلي الحكومة تدور علي مصادر طاقة مستدامة ونظيفة وآمنة عشان تواكب الزيادة دي، وهنا بتيجي الطاقة النووية كحل طويل المدى، خصوصا أن محطات الطاقة النووية بتنتج كميات ضخمة من الكهرباء، ومش مرتبطة بتقلبات أسعار الوقود، وكمان صديقة للبيئة مقارنة باامحطات اللي شغالة بالفحم أو الغاز.

خطة مصر لبناء وتشغيل المحطات النووية لتوليد الكهرباء بيها أكثر من هدفهم أولهم تنويع مصادر الطاقة وعدم الاعتماد على مصدر واحد للكهرباء زي الغاز الطبيعي و جود مصدر نووي بيدي مرونة وأمان للطاقة، وبيدعم خطط التنمية المستدامة بطاقة آمنة ومتوازنة وصديقة للبيئة،. وكمان هيحقق حلم الحكومة بتوفير فائض كهربائي للتصدير من خلال مشاريع الربط الكهربائي اللي موجودة بين مصر دلوقتي ودول في قارات أوروبا وأفريقيا وآسيا، وده بيدهم خطة مصر للتحول لمركز إقليمي لتصدير الكهرباء، ده غير أن مشروعات توليد الكهرباء من محطات الطاقة النووية هيدي فرصة لتدريب كوادر مصرية على تكنولوجيا معقدة، وبناء قاعدة علمية وصناعية جديدة، وهيخلق فرص مباشرة وغير مباشرة للشباب المصري .

الحلم المصري اللي مصر بتبنية بالتعاون مع روسيا عبارة عن 4 مفاعلات بقدرة إجمالية 4800 ميجاوات، وهتبدا التشغيل الفعلي المحطات مع تركيب اول مفاعل علي الشبكة الموحدة للكهرباء في 2028، وبعدها كل سنة الحكومة هتضيف مفاعل جديد لخطة التشغيل والإنتاج.

مستهدفات مصر من بناء وتشغيل محطات الطاقة النووية مش بس علشان نخدم علي توليد الكهرباء لا ده كمان هيتم استخدامه في علاج الأمراض السرطانية المستعصيه ودي هيدي فرصة لمصر أنها تتميز في نوع جديد من العلاج لمرض بقي منتشر بشكل كبير جدا في مصر .