يبدو أن سوق الانتقالات هذا الصيف هيكون مولع، والشرارة جاية من قلب الدفاع، المدافع الفرنسي إبراهيما كوناتي، نجم ليفربول، بعت رسالة واضحة لإدارة النادي: “أنا جاهز أبدأ مغامرة جديدة.. لو ريال مدريد عايزني، أنا مستعد”
الخبر مش إشاعة ولا تسريبات مجهولة.. دي معلومات من الصحفي المعروف خوسيه فيليكس دياز، اللي كتب في “ماركا” الإسبانية إن كوناتي قالها بصريح العبارة: مش حابب أجدّد عقدي، وعايز أدرس خياراتي برّه إنجلترا.
اللي بيخلي الموضوع أكثر سخونة إن إدارة ليفربول بدأت تشك إن ريال مدريد بالفعل فتح خط اتصال مباشر مع اللاعب، وده يفسّر ليه رفض مرتين فكرة تمديد عقده اللي بينتهي الصيف الجاي.
وعلشان نتكلم بصراحة، ليفربول دلوقتي قدّامه اختيارين لا تالت لهما:
يا إما يبيع كوناتي في الصيف ده ويستفيد ماديًا،
يا إما يستنى ويشوفه بيغادر مجانًا في نهاية الموسم، زي ما حصل بالظبط مع ترينت ألكسندر أرنولد اللي فاجئ الكل وانضم لريال مدريد ببلاش.
السؤال دلوقتي:
هل “الريدز” هيكرر نفس الخطأ مرتين؟
ولا هيتحرك بسرعة قبل ما يخسر نجم تاني من غير مقابل؟
اللي متأكدين منه إن اسم “ريال مدريد” بيفتح شهية أي لاعب.. وكوناتي مش استثناء.
التعليقات