شوبير يكشف موقف وسام أبو علي.. ويؤكد

كشف الإعلامي أحمد شوبير عن تفاصيل الجلسة التي جمعت مسؤولي النادي الأهلي بالمهاجم الفلسطيني وسام أبو علي.

وأشار شوبير عبر برنامجه التلفزيوني إلى أن اللاعب أبدى رغبة واضحة في الرحيل عن الأهلى، في الوقت الذي يتمسك فيه الأهلي ببقائه إلا إذا تلقى عرضاً يليق بقيمته.

وواصل شوبير : كان في جلسة النهاردة مع وسام أبو علي واللاعب واضح وصريح.. مصمم على الرحيل، لكن الأهلي مش قافل الباب، هو متمسك ببقائه ما لم ياتى بعرض مناسب فعلاً.

عرض الـ6 مليون دولار اللي جالنا مش على قد قيمة وسام، حتى مع نسبة 20% من إعادة البيع وبعض الامتيازات.. لكن الأهلي شايف إنه مش كفاية.

واستكمل: عندي معلومة إن عرض نادي الوصل الإماراتي اتقفل خلاص، وبالنسبة للنادي الأمريكي محدش رد على الأهلي رغم إن النادي حط مهلة للرد لحد يوم 10 يوليو.

الأهلي عدل عقد وسام بالفعل ومستعد يعدله تاني بس الغريب إن في نادي عرض على وسام راتب يتجاوز 4.5 مليون دولار، فمسؤولي الأهلي قالوا له: إزاي يتعرض علينا 6 مليون بس لبيعه؟

واتم شوبير: الأهلي مش رافض فكرة البيع، بس عايز رقم كبير يليق باللاعب.

اليوم وسام حضر النادي لكن ما عملش القياسات البدنية وقال إنه تعبان وعنده برد.. فهل ده معناه إنه مش هيسافر مع البعثة لتونس نهاية الأسبوع؟