الذهب واخد من افضل الأوعية الادخارية اللي عليها اقبال كبير من زمن الزمن.. ياتري اية هيا خطوات الاستثمار الأمن في الذهب وآية المواطن يبدأ الإستثمار فيه لو مدخراته قليلة.
ناس كتير منا عندها رغبة في الاستثمار خصوصا الاستثمار في الذهب لكن للاسف مش عارفة يبدأ منين، خصوصا أن الذهب واحدة من الأوعية الادخارية اللي مش عايزة فلوس كتيرة علشان يبدأ رحلة الاستثمار فيه وممكن المواطن يبدأ رحلته بجرام واحد.
طيب إزاي العملاء يبدوا الاستثمار الأمن في الذهب ؟.
الفترة اللي فاتت كان في اقبال كبير جدا من المواطنين في الإقبال على محلات الصاغة علشان يشتروا مشغولات وسبائك وجنيهات ذهب خصوصا أن الذهب بيحافظ على قيمته مع الوقت وبيحمي من التضخم وبيعد مملاذ آمن وقت الأزمات السياسية والاقتصادية.
كل الخبراء أجمعوا أن طرق الادخار الأمن للمدخرات لازم قبلها العميل يكون محدد هو هدفه اية من الاستثمار هل هو لحماية فلوسه، أو لتحقيق أرباح على المدى الطويل، خصوصا أن تحديد الهدف هو أول خطوة حقيقة لطريق الاستثمار الأمن .
تاني خطوو الخبراء حدودها للاستثمار الأمن في الذهبو هيا متابعة سعر الذهب يومياً، ومعرفة العوامل اللي باأثر عليه زي سعر الدولار معدلات الفائدة والأزمات العالمية، وشراء الأنواع اللي هيحتاجها من الذهب سواء مو خلال شراء سبائك أو عملات ذهبية وتخزينها في مكان آمن، أو شراء شهادات الذهب من البنوك أو التداول في صناديق المؤشرات المدعومة بالذهب أو شراء أسهم في شركات تعدين الذهب.
الخبراء نصحوا العملاء أن أفضل استثمار حاليا أن المواطن ميشتريش بكل فلوسه ذهب مرة واحدة، ولازم يكون الاستثمار في ذهب علي مراحل مع متابعة السوق بشكل كويس جدا.
الخبراء قالوا كمان أن الاستثمار في الذهب لازم يقعد مع العميل فترة مش اقل من سنة علشان المواطن يحس بمكسبه لو العميل بيدور علي مكسب قريب بالذهب مش هيكون الوعاء الادخاري الافضل، وان كل الذهب يقعد عند العميل كل من مكاسبه تكبر أكثر وأكثر، خصوصا أن سوق الذهب في مصر بيشهظ تقلبات كتيرة جدا بسبب التوترات الجيوسياسية والاقتصادية واللي بتحصل مؤخراً واللي أثرت علي السعر العالمي للذهب.
التعليقات